ଚଳନ୍ତା ଆମ୍ବୁଲାନ୍ସରେ ୧୬ ବର୍ଷୀୟା ନାବାଳିକାଙ୍କୁ ଦୁଷ୍କର୍ମ

ମଧ୍ୟପ୍ରଦେଶର ମଉଗଞ୍ଜ ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏଠାରେ ଚଳନ୍ତା ଆମ୍ବୁଲାନ୍ସରେ ଜଣେ ୧୬ ବର୍ଷୀୟା ନାବାଳିକା ଦୁଷ୍କର୍ମର ଶିକାର ହୋଇଛନ୍ତି। ୧୦୮ ଜରୁରୀକାଳୀନ ସେବା ଅଧୀନରେ ପରିଚାଳିତ ଆମ୍ବୁଲାନ୍ସରେ ଏହି ଘଟଣା ଘଟିଥିବା ବେଳେ ଏଥିରେ ସମ୍ପୃକ୍ତ ୪ ଅଭିଯୁକ୍ତଙ୍କ ମଧ୍ୟରୁ ୨ ଜଣଙ୍କୁ ଗିରଫ କରାଯାଇଛି। ଏଥିରେ ଡ୍ରାଇଭର ମଧ୍ୟ ସାମିଲ ଅଛନ୍ତି। "ନାବାଳିକା ଜଣକ ତାଙ୍କ ଭଉଣୀ ଏବଂ ଭିଣୋଇଙ୍କ ସହ ଆମ୍ବୁଲାନ୍ସରେ ଯାତ୍ରା କରୁଥିଲେ (ସେମାନଙ୍କ ମଧ୍ୟରୁ କେହି ରୋଗୀ ନଥିଲେ)। ତିନି ଜଣଙ୍କ ବ୍ୟତୀତ ଡ୍ରାଇଭର ଓ ତାଙ୍କ ସହଯୋଗୀ ରୋଗୀ ପରିବହନ ଗାଡ଼ି ଭିତରେ ଥିଲେ।

ଉପ ମହାନିରୀକ୍ଷକ ସାକେତ ପାଣ୍ଡେ ଗଣମାଧ୍ୟମକୁ କହିଛନ୍ତି ଯେ ନାବାଳିକା ଜଣକ ଆମ୍ବୁଲାନ୍ସରେ ତାଙ୍କ ଭଉଣୀ ଏବଂ ଭିଣୋଇଙ୍କ ସହ ଯାତ୍ରା କରୁଥିଲେ ଏବଂ ଏହାର ଡ୍ରାଇଭର ସେମାନଙ୍କୁ ଜାଣିଥିଲେ।  ବାଟରେ ନାବାଳିକାଙ୍କ ଭଉଣୀ ଓ ଭିଣୋଇ ପାଣି ଆଣିବା ବାହାନାରେ ଗାଡ଼ିରୁ ଓହ୍ଲାଇଥିଲେ। ଦମ୍ପତିଙ୍କୁ ଅପେକ୍ଷା କରିବା ପରିବର୍ତ୍ତେ ଆମ୍ବୁଲାନ୍ସ ଡ୍ରାଇଭର ଗାଡ଼ିକୁ ତ୍ୱରାନ୍ୱିତ କରିଥିଲେ। ପରେ ଡ୍ରାଇଭରଙ୍କ ସହ ଯାଉଥିବା ତାଙ୍କ ସହଯୋଗୀ ରାଜେଶ କେଓ୍ଵତ ନଭେମ୍ବର ୨୨ ତାରିଖଦିନ ଏକ ନିର୍ଜନ ଗାଁରେ ଚଳନ୍ତା ଆମ୍ବୁଲାନ୍ସରେ ତାଙ୍କୁ ଦୁଷ୍କର୍ମ କରିଥିଲେ। 

ଡିଆଇଜି କହିଛନ୍ତି, ରାତିସାରା ନାବାଳିକାଙ୍କୁ ବନ୍ଧକ ରଖିବା ପରେ ପରଦିନ ସକାଳେ ଦୁଇ ଅଭିଯୁକ୍ତ ତାଙ୍କୁ ରାସ୍ତା କଡ଼ରେ ଫିଙ୍ଗି ଦେଇଥିଲେ। ଆଇପିଏସ୍ ଅଧିକାରୀଙ୍କ କହିବା ନୁସାରେ, ଘରେ ପହଞ୍ଚିବା ପରେ ପୀଡ଼ିତା ତାଙ୍କ ମା'ଙ୍କୁ ଘଟଣା ବିଷୟରେ ଜଣାଇବା ସହ ତାଙ୍କ ଭାଉଜ-ଦିଅରଙ୍କୁ ମଧ୍ୟ ଏହି ଅପରାଧରେ ସାହାଯ୍ୟ କରିଥିବା ଅଭିଯୋଗ କରିଥିଲେ। 

ଏହା ଦ୍ୱାରା ସମାଜରେ ପରିବାରର ଭାବମୂର୍ତ୍ତି ଖରାପ ହେବ ବୋଲି ଆଶଙ୍କା କରି ଦୁଇ ଦିନ ଧରି ନାବାଳିକାଙ୍କ ମା' ପୁଲିସର ଦ୍ୱାରସ୍ଥ ହୋଇନଥିଲେ। ଶେଷରେ ନଭେମ୍ବର ୨୫ତାରିଖରେ ନାବାଳିକା ଓ ତାଙ୍କ ମା' ପୁଲିସର ଦ୍ୱାରସ୍ଥ ହେବା ପରେ ସେମାନଙ୍କ ଅଭିଯୋଗ କ୍ରମେ କେଓ୍ଵତଙ୍କ ସମେତ ୪ ଜଣଙ୍କ ବିରୋଧରେ ମାମଲା ରୁଜୁ କରାଯାଇଥିଲା ବୋଲି ପାଣ୍ଡେ କହିଛନ୍ତି। 

ବୁଧବାର ଆମ୍ବୁଲାନ୍ସ ଡ୍ରାଇଭର ବୀରେନ୍ଦ୍ର ଚତୁର୍ବେଦୀ ଓ ଅଭିଯୁକ୍ତ ଦୁଷ୍କର୍ମକାରୀ କେୱତଙ୍କୁ ଗିରଫ କରାଯାଇଛି। ଅପରାଧରେ ପ୍ରୋତ୍ସାହନ ଦେବା ଅଭିଯୋଗରେ ନାବାଳିକାଙ୍କ ଭଉଣୀ ଏବଂ ଜାଜିଙ୍କୁ ଧରିବା ପାଇଁ ଛାନଭିନ୍ ଆରମ୍ଭ ହୋଇଛି ବୋଲି ଆଇପିଏସ୍ ଅଧିକାରୀ କହିଛନ୍ତି। ସମସ୍ତ ଅଭିଯୁକ୍ତଙ୍କ ବିରୋଧରେ ପୋକ୍ସୋ ଆଇନ ଓ ଭାରତୀୟ ନ୍ୟାୟ ସଂହିତା ଅନୁଯାୟୀ ମାମଲା ରୁଜୁ କରାଯାଇଛି।