Breaking News

ଗ୍ୟାସ୍‌ ସିଲିଣ୍ଡର ବିସ୍ଫୋରଣରେ ଗୋଟିଏ ପରିବାରର ୭ ମୃତ

 

ପଶ୍ଚିମବଙ୍ଗର ଦକ୍ଷିଣ ୨୪ ପ୍ରଗଣା ଜିଲ୍ଲାରେ ସିଲିଣ୍ଡର ବିସ୍ଫୋରଣ । ଏହି ବିସ୍ଫୋରଣରେ  ୪ଜଣ ଶିଶୁ, ୨ଜଣ ମହିଳାଙ୍କ ଏବଂ ଜଣେ ବ୍ୟକ୍ତିଙ୍କ ସମେତ ୭ଜଣଙ୍କର ପ୍ରାଣହାନୀ ଘଟିଛି । ଏମାନଙ୍କ ବ୍ୟତୀତ ଜଣେ ମହିଳାଙ୍କୁ ଗୁରୁତର ଆହତ ଭାବେ ହସ୍ପିଟାଲରେ ଭର୍ତ୍ତି କରାଯାଇଛି । ସ୍ଥାନୀୟ ଅଞ୍ଚଳର ଲୋକଙ୍କ ଦ୍ବାରା ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ କରିବା ସହ ମୃତ ଦେହ ଉଦ୍ଧାର କରିଛି । ପଶ୍ଚିମବଙ୍ଗର ଦକ୍ଷିଣ ୨୪ ପ୍ରଗଣା ଜିଲ୍ଲା ଅନ୍ତର୍ଗତ ପଥର ପ୍ରତିମା ସ୍ଥିତ ଏକ ଘରେ ଗ୍ୟାସ ବିସ୍ଫୋରଣ ହୋଇଛି । 

ଏହି ବିସ୍ଫୋରଣରେ ୪ଜଣ ଶିଶୁ ୨ଜଣ ମହିଳାଙ୍କ ଏବଂ ଜଣେ ପୁରୁଷଙ୍କ ସମେତ ୭ଜଣଙ୍କର ମୃତ୍ୟୁ ଘଟିଛି । ସୋମବାର ପ୍ରାୟ ରାତି ୯ଟା ସମୟରେ ଧୋଲାଘାଟ ଗାଁର ଏକ ଘରେ ଏପରି ଦୁର୍ଘଟଣା ଦେଖିବାକୁ ମିଳିଛି । ବିସ୍ଫୋରଣର ଶବ୍ଦ ଶୁଣି ସ୍ଥାନୀୟ ଲୋକେ ପହଞ୍ଚି ନିଆଁ ଲିଭାଇବାକୁ ଚେଷ୍ଟା କରିଥିଲେ । ଫଳରେ  ବିସ୍ଫୋରଣ ଯୋଗୁଁ ସ୍ଥାନୀୟ ଅଞ୍ଚଳରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଯାଇଛି । ଘଟଣାସ୍ଥଳରେ ସୁନ୍ଦରବନ ଜିଲ୍ଲାର ପୋଲିସ ପହଞ୍ଚି ମୃତ ଦେହ ଉଦ୍ଧାର କରିଛି । ଏଥି ସହିତ ପୋଲିସ ମଧ୍ୟ ତଦନ୍ତ  ଜାରି ରଖିଛି  । ଆଗରୁ ଘରେ ସଞ୍ଚିତ କରି ରଖିଥିବା ଦୁଇଟି ଗ୍ୟାସ ସହିତ ବାଣ ମଧ୍ୟ ରହିଥିବା ହେତୁ ବିସ୍ଫୋରଣ ଘଟିଛି ବୋଲି ପୋଲିସ ସନ୍ଦେହ କରୁଛି । 

ଏହି ବିସ୍ଫୋରଣରେ ସ୍ଥାନୀୟ ଅଞ୍ଚଳରେ ଥିବା ଦୋକାନ ପୋଡି ଯାଇଛି ସତ କିନ୍ତୁ କ୍ଷୟକ୍ଷତି ଜନିତ ଖବର ଆସିନାହିଁ । ଯାହାର ସ୍ପଷ୍ଟିକରଣ କରିଛି ପୋଲିସ । ସୂଚନାଯୋଗ୍ୟ, ଦିଲ୍ଲୀ ମନୋହର ପାର୍କ ସ୍ଥିତ ଏକଘରେ ସିଲିଣ୍ଡର ଗ୍ୟାସ ବିସ୍ଫୋରଣ ଘଟଣା ସାମ୍ନାକୁ ଆସିଥିଲା । ବିସ୍ଫୋରଣ କାରଣରୁ ଭୟଙ୍କର ଅଗ୍ନିକାଣ୍ଡ ସୃଷ୍ଟି ହୋଇଥିଲା । ସେହି ଅଗ୍ନିକାଣ୍ଡରେ ଦୁଇ ଜଣ ନାବାଳିକା ଭାଇ-ଭଉଣୀଙ୍କର ପ୍ରାଣ ଚାଲିଯାଇଥିଲା । ଗ୍ୟାସ ଲିକେଜ ହେତୁ ବିସ୍ଫୋରଣ ଘଟିଥିଲା । ଘଟଣାସ୍ଥଳରେ ଦୁଇଟ ଦମକଳ ବାହିନୀ ଗାଡି ପହଞ୍ଚିଥିଲା ।

Type and hit Enter to search

Close