IND vs BAN: ଇଂଲଣ୍ଡର ବିଶ୍ୱ ରେକର୍ଡ ଭାଙ୍ଗିଲା ଟିମ୍ ଇଣ୍ଡିଆ

 

ସୋମବାର ଗ୍ରୀନ୍ ପାର୍କ ଷ୍ଟାଡିୟମରେ ବାଂଲାଦେଶ ବିପକ୍ଷ ଦ୍ୱିତୀୟ ଟେଷ୍ଟର ଚତୁର୍ଥ ଦିନରେ ଭାରତ ରେକର୍ଡ ଭାଙ୍ଗିଛି। ଏହି ମ୍ୟାଚର ଚତୁର୍ଥ ଦିନରେ ଟିମ୍ ଇଣ୍ଡିଆର ଓପନର୍ ରୋହିତ ଶର୍ମା ଏବଂ ଯଶସ୍ୱୀ ଜୈସୱାଲ ଟେଷ୍ଟ କ୍ରିକେଟରେ ୫୦ ରନ୍ ସ୍କୋର କରି ଭାରତ ପାଇଁ ବିଶ୍ୱ ରେକର୍ଡ ସୃଷ୍ଟି କରିଛନ୍ତି। ଏହାପୂର୍ବରୁ ଏହି ରେକର୍ଡ ଇଂଲଣ୍ଡ ନାମରେ ଥିଲା। ଇଂଲଣ୍ଡ ଚଳିତ ବର୍ଷ ୱେଷ୍ଟଇଣ୍ଡିଜ ବିପକ୍ଷରେ ଟ୍ରେଣ୍ଟ ବ୍ରିଜରେ ଖେଳାଯାଉଥିବା ମ୍ୟାଚ ସମୟରେ ମାତ୍ର ୪.୨ ଓଭରରେ ୫୦ ରନ ସଂଖ୍ୟା ଛୁଇଁଥିଲା। ବର୍ତ୍ତମାନ ରୋହିତ ଶର୍ମା ଏବଂ ଯଶସ୍ୱୀ ଜୈସୱାଲ ୩ ଓଭରରେ ୫୦ ରନ ସଂଖ୍ୟା ଛୁଇଁ ୱାଲର୍ଡ ରେକର୍ଡକୁ ଭାଙ୍ଗିଛନ୍ତି। 

ଭାରତର ଆକ୍ରମଣାତ୍ମକ ବ୍ୟାଟିଂ ସେଠାରେ ଅଟକି ନଥିଲା, କାରଣ ଦଳ ରେକର୍ଡ ୧୮.୨ ଓଭରରେ ୧୫୦ ରନ୍ ସଂଗ୍ରହ କରିଥିଲା ​​ଏବଂ ୨୪.୨ ଓଭର ବେଳକୁ ୨୦୦ ରନ୍ କରିଥିଲା। ରୋହିତ ଶର୍ମା ଏହି ମ୍ୟାଚରେ ଦୁଇଟି ଛକା ସହ ନିଜର ଇଂନିସ ଆରମ୍ଭ କରିଥିଲେ। ରୋହିତ ଶର୍ମା ଏହି ମ୍ୟାଚରେ ପୂରା ଫର୍ମରେ ଥିଲେ। ହେଲେ ଅଧିକ ରନ କରିବା ଚେଷ୍ଟାରେ ସେ ଆଉଟ ହୋଇଯାଇଥିଲେ। ରୋହିତ ଶର୍ମା ଏହି ମ୍ୟାଚରେ ମାତ୍ର ୧୧ ବଲରେ ୨୩ ରନର ଇଂନିସ ଖେଳିଥିଲେ। 

ଯେଉଁଥିରେ ତିନୋଟି ଛକା ଏବଂ ଗୋଟିଏ ଚୌକା ସାମିଲ ରହିଛି। ରୋହିତ ଶର୍ମାଙ୍କୁ ମେହଦୀ ହସନ ମିରାଜ ଆଉଟ କରିଦେଇଥିଲେ। ରୋହିତ ଶର୍ମାଙ୍କୁ ଏଭଳି ବ୍ୟାଟିଙ୍ଗ କରିବା ଦେଖି ଫ୍ୟାନ୍ସ ବହୁତ ଖୁସି ନଜର ଆସିଥିଲେ। ମୋମିନୁଲ ହକ ବାଂଲାଦେଶ ପାଇଁ ଅପରାଜିତ ୧୦୭ ରନ୍ ସଂଗ୍ରହ କରିଥିଲେ। ଜସପ୍ରୀତ ବୁମ୍ରା ତିନି ୱିକେଟ୍ ନେଇ ଭାରତ ପାଇଁ ବୋଲିଂର ନେତୃତ୍ୱ ନେଇଥିବାବେଳେ ରବିଚନ୍ଦ୍ରନ୍ ଅଶ୍ୱିନ୍, ମହମ୍ମଦ ସିରାଜ ଏବଂ ଆକାଶ ଦୀପ ଦୁଇଟି ଲେଖାଏଁ ୱିକେଟ୍ ନେଇଛନ୍ତି। ଏଥିସହ ରବିନ୍ଦ୍ର ଜାଡେଜା ମ୍ୟାଚ ସମୟରେ ନିଜର ୩୦୦ ତମ ଟେଷ୍ଟ ୱିକେଟ୍ ନେଇ ଏକ ବ୍ୟକ୍ତିଗତ ସଫଳତା ହାସଲ କରିଛନ୍ତି।

Prev News

Next News